2., 3. & 4. Tag in Santo Domingo - Dom. Republik

Hallöle zämä! :-)

So.. au d'Annina schaffts widr male an Laptop zhöckle. ;-)

So... s'git natürlich einiges z'verzehlle... hoffe s'chunt mer no alles in Sinn. :-)

Also... i fange am beste male derte ah, woni ufghört han! U zwar:

2. Tag, Zischtig, 16. Oktober 2007:

Üsi erschti Tag, womer is Projekt "El Pino" fahred. Derte treffed mer de ADP Manager und versch. CRS Lüüt etc. abgholt werdet mer vom Juan Thomas... er isch de Coordinator da wo über alles luägt odr eso.. ;-) Ganz en lustige übrigens (wo nid gnuäg vo üsne Sugus becho chan)... sind also ez i dene Rümlichkeite & plauderet zerst echli mitem ADP Manager José. Noher sind mer dert hii wo au d'Neri etc. (CRS) schaffed. Sind derte herzlech empfange worde mit ztrinke, süässem etc. 2 Patechinde hend extra für üs Gitarre gspielt und gsunge. Uuuuuh herzig gsi. *g*

Sind nach dene Darbütige wiiter gfahre zude Kürs wo sie abüted. Hend zerst d'Werkstatt bsuächet wo sie selber Möbel herstelled, repariered etc. De en Stock obedra befindet sich de Ruum für Kosmetikkürs und nebeddra es Nähatelier.

De isches wiiter gange zu de Schuäl. D'Chinde hend jedoch wegere Lehrerkonferenz kei Schuäl gha....

Vo de Schuäl isches de *holper di holper* zumne Grundstück wos ez grad am baue sind und zwar es Gebäude für d'Fiimotorik für Chinde wos wend aluäge odr wimer dem au seit... isch lang nüt passiärt bi dem Grundstück & ez hends innert eim Monät scho so richtig Gas geh, dass da bald cha fertig si.

Sind de mit de Mitarbeiter zeme im Family Therapy Center goge zmittag ässä wos unglaublech guät für üs kocht hend. Noher isches wiiter gange is Jugendprojekt wo Jugendlichi selber Gruppe organisiert hend zu versch. Aktivitäte. Sie hend üs alles zeiget & sich vorgstellt, was mached und was ihri Troim und Ziel sind.

Als letsts sindmer zrugg is Office und hend no e Violine-Stund bsuächt wo de Lehrer extra nomale mit vier Schüler verbi cho isch zum üs öppis vorzspiele!!

Sind nachdem mer zrugg is Hotel sind no is "Harry's" goge fein znacht ässä (= arroz con camarenos odr eso *g* --> riis mit shrimps)... super fein gsi uf jedefall!

3. Tag, Mittwuch, 17. Oktober 2007:

So... hüt sind mer goge d'Patechinde im El Pino Projekt bsuäche! Sind abr zerst widr is Office gfahre & de hendmer derte no chöne mit de CRS-Verantwortliche rede... Frage stelle, sie hend üs einiges erchlärt etc. De isches los gange mitem erste Bsuäch. Sind widr dur unendlichi Gässli und Strässli gfahre um de chli abglege de Starlinn und sini Familie zbsuäche. Er isch de Patebuäb vo de Gabriela. Sind aso dert anecho & nett empfange worde. Zerst isch er natürlech no rächt schüch gsi - sini chli Schwöster het de abr de Stimmig schnell glockeret und s'iis broche wo sie di mitbrachte Seifeblattere & Ballön entdeckt het... ufjedefall mega spannend & iidrücklech gsi sones Patechind würklech male diheime i sinere Umgebig chöne zbsuäche!!

De nechsti Bsuäch isch de vo de Jacqueline (JAJA) ihrem Patechind gsi. Sie wohnt mit ihrerer Schwöster und Muätter widr imne andere Gebiät imne chline Hüüsli.

Als nechst sind mer zu de Laura gfahre, wo mit ihrer Muätter und em chline Bruäder zämä läbt. De Vater isch glaubs bide Marine odr Soldat,... ?! Sie ischs Patechind vo de Michelle (MiPF) & sooone herzigi!! :-)

De sindmer nones wiiters Patechind bsuäche & nachdem no das wo min Götti mit de Chindergruppe vode Chiile us unterstützed. Dete isches en riiiiese Tumult gsi!! Jedes Chind het welle uf es Föteli & sie hend natürli au nid gnuäg vo de Sugus und Ballön becho!!! S'Patemeitli selber isch ganz e schüüchs gsi. Ganz e herzigs, wo mit de Muätter und em Brüäder inere würklech unglaublech chline und verwahrloste Hütte wohned!

Ja.. nachem letste Bsuäch sind mer de widr richtig Hotel & de am Abig is Hard Rock Café goge znacht ässä & öppis trinke!! Natürlich hets für mi widr Shrimps geh... ;-) Fajitas mit Shrimps, Strawberrie Juice & zum Schluss no en Pina Colada... und ja Oli,... i ha natürli widr es Souvenir-Glas & süscht no es paar T-Shirts,... kauft ... in Gedenke ad Summerferiä... ;-)

4. Tag, Donnerstag 18. Oktober 2007

Soo... hüt hend mer s'andere Projekt agluäget! Und zwar s'Canaan, wo erst ezden mit de Pateschafte startet! Sind derte als ersts grad ine Schuäl goge luäge, wo d'Chinde für üs extra Sache bastlet hend & au es Liäd vortreit hend... au derte hends widr e unglaublichi Froid a üsne chline Gschänkli gha & hend all welle uf es Föteli!!

Sind vo de Schuäl us de wiitr dur s'Projekt zu de nächste gange. Da isch eigentli so'ne Vorschuäl. Au derte hends üs herzlech empfange & Gedicht vortreit!

Nach de Schuälbsüäch sind mer ines Gebäude, wos Komitee vo dem Projekt zämä cho isch & ois verzehlt und erchlärt het was sie wiä mached, wiä bisher d'Planig vo däm noie Projekt usgseh het & was sie für di nechsti Ziit planet. Sind jensti Lüüt derte gsi... vo Vertreterinne vo de Frauegruppene über Pastore zu Lehrer! Hend de au mit ihne zMittag gässä & sind nocher no zu versch. Familie gfahre. Hend derte so krass tragischi Schicksal ghört womer sech echt nid cha vorstelle... vo Müättere wo 10 Chinde hend, chrank sind, de Vater abghaue isch & nid fähig sind zum goge zschaffe etc. Odr vo de einte Frau wo 3 chlini Chinde het & dere ihre Maa letst Monät uf de Strass erschosse worde isch bimne Überfall. Sie hend sis Handy welle raube & de hendsen grad umgleit... efachd nume grausam...

Während mer bide einte Lehrerin sind bemerked mer es paar Jugendlichi wo zimlech bannt uf üsi Digicams luäged... em Juan Thomas fallt da uf und er wiist us druf hi & seit mer sölled sie verstecke... (Kriminalität isch ide Dom. Republik seeeehr höch... au ide Projekt!!!!) ... sind de also widr is Auto & während de Hans & d'Lessit (ADP-Managerin) wiiter versch. Familiä bsuächt hend het üs de Juan Thomas nüme usem Auto uselah. Er het gseit es segi z'gföhrlech für üs & mer dörfed nüme usstiege.. so isch er mit üs immer im Auto bliibe während de wiitere Bsüäch was au sicher besser gsi isch, well üs diä Gruppe vo Jugendliche gfolgt isch... -.- ... de Juan selber isch richtig nervös worde und het au gseit "that he's worried about us".. und wenn ER da seit.. ja.. .. de bliibt mer würklech besser im Auto...

uf jedefall sind mer de Gott sei Dank all guät widr im Hotel acho & de Juan het üs spöter de widr abgholt um zämä goge znacht ässä. Er het üs ines Seafood *jipi* Restaurant gfüährt womer grad selber het chöne d'Fisch, Shrimps, Hummer odr was au immer selber uswähle.. isch uf jedefall fein gsi & er het ois au vorig no paar Plätz ide Stadt zeiget! De Präsidentepalast, paar wichtigi Gebäud & nachem dinner no s'Rotliächtmilieu... hehe... :-) Au ischer chli dur di richere Viertel gfahre... was echt unglaublech gsi isch...!

Mer hend somit echt diä krasse Unterschied gseh... Zerst im El Pino Projekt wo echt Slum-Gebiät pur isch & wo niämert vo üs au nüme e Nacht verbringe würd welle.. kei sanitäri Alage, d'Lüüt sind froh wenns es Dach überem Chopf hend & als Behuusig muss es selber bauts Hüttli mit eim Ruum wo Chuchi, Schlafzimmer für mehreri Persone etc. i eim isch!!

S'Canaan Projekt womer hüt bsuächt hend unterscheidet sich sehr vom El Pino. Es isch no meh usserhalb vo de Stadt Santo Domingo & het au erst kürzlech gstartet. Derte ischs Züügs nöcher binenand & nid eso verstroit wi ide Slums! Es isch au grüäner etc... unglaublech gross isch d'Armuät i bedne... Üses Hotel isch im koloniale Teil vo de Stadt wo nöd riich isch, abr trotzdem schön und guät!! U de hend mer hüt also no bide Autofahrt durd Stadt d'Wohnige vom Mittelstand & de Riiche gseh!! En würklech uuuunglaublech grosse Unterschied womer nid i Wort fasse chan! Das sind echt Wälte wo so nöch binenand sind & doch sooo wiit usenand schiined!!

So... obedra hets no es paar Föteli & Videos vo dene paar Täg!! :-) Sisch immer no unglaublech heiss da, mer schwitzt de ganzi Tag & alli liäbed üsi feine Sugus! ;-) Pfuused guät mini liäbe!! Buenas noches! :-)

Annina .... wo ide Lobby vom Hotel sitzt, es isch 01:00 am Morge da gsi & hofft dass de Receptionist, de Security-typ u no sonen andere Chaste a ihrem Platz bliibed! ;-)

(P.s... well jap.. glaubedmer... diä Politur (polizei) isch def. nid so zuäverlässlech wiä bi üs,... ;-) )